Հունվարի 29-ին ԱՄՆ նախագահ Բարաք Օբամային իր հավատարմագրերն է հանձնել Ավստրալիայի նորանշանակ դեսպան Ջո Հոկեյը:

«Հայերն այսօրը» դեռևս 2015 թվականի դեկտեմբերին տեղեկացրել էր, որ Ավստրալիայում հայտնի է դարձել ԱՄՆ-ում այդ երկրի նոր դեսպանի անունը:  Ազգությամբ հայ Ջո Հոկեյի թեկնածությունը հաստատել է Ավստրալիայի արտաքին գործերի նախարար Ջուլի Բիշոփը:

Հիշեցնենք, որ մինչև այս տարվա սեպտեմբեր ամիսը Ջո Հոկեյը 2 տարի շարունակ զբաղեցրել է Ավստրալիայի ֆինանսների նախարարի պաշտոնը: Ավստրալական քաղաքական դաշտում հայազգի նախարարը հայտնի է իր տնտեսագիտական բարձր գիտելիքներով և  գործուն ամերիկյան կապերով:

Ինչպես ավելի վաղ հայտնել էր «Հայերն այսօրը», դեկտեմբերի 4-ին Սիդնեյի Միրամար ճաշասրահում տեղի ունեցած Ավստրալիայի Հայ դատի հանձնախմբի տարեկան ճաշկերույթի ժամանակ Ջո Հոկեյը պարգևատրվել է ՀՀ սփյուռքի նախարարության Ոսկե մեդալով:

Ջո Հոկեյի հայրն ազգությամբ հայ  Ռիչարդ Հոկեյդոնյանն է, իսկ մայրն ավստրալուհի է: