Ֆրանսահայ լեգենդար երգիչ Շառլ Ազնավուրը համերգ կունենա Միացյալ Արաբական Էմիրություններում: Ինչպես տեղեկացնում է «Արմենպրես»­ը` վկայակոչելով Ազնավուրի պաշտոնական ֆեյսբուքյան էջը, համերգը տեղի կունենա 2016 թվականի փետրվարի 12-­ին Դուբայի Առևտրի համաշխարհային կենտրոնի (Dubai World Trade Centre) Sheikh Rachid Hall­-ում:

Dubai.platinumlist.net կայքը հաղորդում է, որ Dubai Classics ընկերությունն առաջին անգամ ՄԱԷ-­ում ներկայացնում է կենդանի լեգենդ Շառլ Ազնավուրին: «Ֆրանսիացի երգիչը հայկական ծագում ունի, և Շվեյցարիայում Հայաստանի դեսպանն է»,­նշված է կայքում: Ազնավուրի պաշտոնական ֆեյսբուքյան էջը հրապարակել է նաև համերգի պաստառը: Նշանավոր ֆրանսահայ երգիչ, երգահան, կինոդերասան և հասարակական գործիչ Շառլ Ազնավուրը ծնվել է 1924 թվականի մայիսի 22-­ին Փարիզում:

Բազմաթիվ հայտնի գործերի հեղինակ և կատարող է: Վաճառվել է Ազնավուրի ստեղծագործություններն ամփոփող շուրջ 100 միլիոն ձայնապնակ: 2009 թվականից Ազնավուրը Շվեյցարիայում Հայաստանի դեսպանն է, ինչպես նաև Ժնևի ՄԱԿ­ի գրասենյակում և այլ միջազգային կազմակերպություններում Հայաստանի մշտական ներկայացուցիչը:

Լեգենդար երգիչը հոկտեմբերի 10-­ին համերգով հանդես է եկել Հայաստանում, այցի ընթացքում եղել տարբեր վայրերում: