20/10/2015   100 ՏԱՐԻ ԱՆՑ   No comments

Հայոց Ցեղասպանության զոհերի հիշատակին նվիրված համերգ Գերմանիայի Էրֆուրտ քաղաքում

Հոկտեմբերի 17-ին ԳԴՀ Թյուրինգիա երկրամասի մայրաքաղաք Էրֆուրտում կայացավ Հայոց Ցեղասպանության զոհերի հիշատակին նվիրված համերգ: Այս մասին հայտնում են ԱԳՆ մամուլի ծառայությունից:

ԳԴՀ-ում ՀՀ դեսպան Աշոտ Սմբատյանի և Թյուրինգիայի վարչապետ Բոդո Ռամելովի հովանու ներքո կազմակերպված միջոցառման ընթացքում գերմանաբնակ հայ երաժիշտներ Լուսինե Խաչատրյանը, Միքայել Հախնազարյանը և Կորյուն Ասատրյանը կատարեցին Կոմիտասի, Արամ Խաչատուրյանի, Ալեսանդրո Մարչելոյի և Սերգեյ Ռախմանինովի ստեղծագործությունները:

Համերգի սկզբում ներկաներին ողջույնի խոսքով դիմեցին Թյուրինգիայի վարչապետ Բոդո Ռամելովը, Էրֆուրտի քաղաքապետ Թամարա Թիրբախը, ԳԴՀ-ում ՀՀ դեսպան Աշոտ Սմբատյանը և «Արևելք-Արևմուտք Վայմարի Դիվան» կազմակերպության ղեկավար Կլաուս Գալասը:

Համերգին ներկա էին ԳԴՀ Բունդեսթագի և լանդթագերի պատգամավորներ, Թյուրինգիայի կառավարության և Էրֆուրտի քաղաքային իշխանությունների ներկայացուցիչներ, արվեստագետներ, հասարակական-քաղաքական գործիչներ, լրագրողներ:

  1. «Նռնաքարե վզնոցը».ռեժիսոր Սերժ Գաբյանի ֆիլմը Հայոց ցեղասպանության մասին
  2. «Հարյուրամյա ցավ». ստամբուլյան կինոփառատոնը նոր բաժին ունի
  3. Փարիզի քաղաքապետարանը ցուցահանդես կկազմակերպի Հայոց ցեղասպանության թեմայով
  4. «Հիշողության 100 տարի» համերգը Փարիզում նվիրված է Ցեղասպանության զոհերի հիշատակին
Scroll Up