19/09/2015   100 ՏԱՐԻ ԱՆՑ   No comments

Հայոց ցեղասպանության 100-րդ տարելիցին նվիրված համերգ Իտալիայի Ֆորլի քաղաքում

Սեպտեմբերի 16-ին Իտալիայի Ֆորլի քաղաքի Սան Դոմենիկո համերգասրահում կայացավ Էմիլիա Ռոմանիա երաժշտական փառատոնի եզրափակիչ համերգը՝ Սոնա Հովհաննիսյանի ղեկավարած «Հովեր» պետական կամերային երգչախմբի ելույթով: ՀՀ ԱԳՆ մամուլի ծառայության փոխանցմամբ՝ Համերգը նվիրված էր Հայոց ցեղասպանության 100-րդ տարելիցին:

Իտալիայում ՀՀ դեսպան Սարգիս Ղազարյանը նախքան համերգը հանդիպում էր ունեցել Ֆորլիի քաղաքապետ Դավիդե Դրեյի հետ և քննարկել տեղական ինքնակառավարման մակարդակով հայ-իտալական կապերը զարգացնելու հնարավորությունները:

Համերգի բացմանը ողջույնի խոսքով հանդես եկան դեսպան Սարգիս Ղազարյանը և Ֆորլիի քաղաքապետ Դավիդե Դրեյը: Դեսպանը խոսեց Հայոց ցեղասպանության 100-րդ տարելիցի խորհրդի, հայ և իտալացի ժողովուրդների դարավոր բարեկամության, իտալահայ համայնքի մասին: Քաղաքապետ Դավիդե Դրեյն իր ելույթում կարևորեց ցեղասպանությունների կանխարգելումը՝ այդ նպատակով անհրաժեշտ համարելով հիշողության պահպանումը:

Համերգում հնչեցին հայ և արևմտյան կոմպոզիտորների ստեղծագործություններ:

Համերգին ներկա էին փառատոնի ղեկավար Մասսիմո Մերչելլին, Ֆորլիի քաղաքական, մշակութային ու հասարակական շրջանակների և լրատվամիջոցների ներկայացուցիչներ:

Դեսպան Սարգիս Ղազարյանը հարցազրույց տվեց RAI հանրային հեռուստատեսության նահանգային ծառայությանը: Համերգը լայնորեն լուսաբանվեց իտալական մամուլում:

  1. Ազգային կինոկենտրոնը Հայոց ցեղասպանությանը նվիրված երկու ֆիլմ կնկարահանի
  2. Հովսեփ Նալբանդյանի «Կյանքի շարունակվող շավիղները» հատորը
  3. Պորտլենդում ցուցադրվելու է Ցեղասպանության ժառանգությանը նվիրված ֆիլմաշար
  4. «Հողը կը Խօսի». Եղեռնազոհ հայ գրողների ստեղծագործությունները՝ ռուսերեն և գերմաներեն
Scroll Up