ՀՀ առողջապահության նախարարության Ս. Ավդալբեկյանի անվան Առողջապահության ազգային ինստիտուտի, ՀՀ ԱՆ աշխատակազմի լիցենզավորման գործակալության եւ   Առողջապահական ծրագրերի իրականացման գրասենյակի աշխատակիցների  նախաձեռնությամբ այսօր կազմակերպվեց ծառատունկ` նվիրված Հայոց ցեղասպանության 100-ամյա տարելիցին: Այս մասին NEWS.am Medicine-ի թղթակցին տեղեկացրեցին Առողջապահության նախարարության մամլո ծառայությունից:

Առողջապահության ազգային ինստիտուտի բակում անցկացված միջոցառմանը մասնակցեց նաեւ ՀՀ առողջապահության նախարար Արմեն Մուրադյանը:

Ինչպես մեզ տեղեկացրեցին Առողջապահության նախարարության մամլո ծառայությունից՝ նախարարության աշխատակիցները տնկեցին Հայոց ցեղասպանության 100 տարին խորհրդանշող 100 ծառ: Կատարվեցին նաեւ հարակից տարածքի բարեկարգման աշխատանքներ: