«ՀԱԼԷՊ»  հայրենակցական  բարեսիրական  հասարակական կազմակերպությունում  Հայաստանում ապաստանած սիրիահայ կարիքավոր  ընտանիքներին  բաշխվեց  հերթական մարդասիրական օգնությունը:  Վաթսուն սիրիահայ ընտանիքների բաժանվեցին ծածկոցներ, կոշիկներ, գրենական պիտույքների  և  հիգիենիկ պարագաների  փաթեթներ:

«ՀԱԼԷՊ»  ՀԲՀԿ-ն  ի վիճակի  եղավ  կյանքի  կոչել  վերոհիշյալ մարդասիրական  օգնությունը  Մայր  Աթոռ Սուրբ Էջմիածնի Սոցիալական  ծառայության  շնորհիվ`  ի դեմս  տնօրեն  Հայր  Իսահակ վարդապետ  Պողոսյանի:

Այս   օգնությունը  ևս մեկ անգամ ջերմություն հաղորդեց Մայր Հայրենիքում  ապաստանած սիրիահայ կարիքավոր ընտանիքներին:

«ՀԱԼԷՊ»  հայենակցական  բարեսիրական  հասարակական կազմակերպության  գործադիր մարմինը շնորհակալությունն է հայտնում  Մայր  Աթոռ  Սուրբ  Էջմիածնի  Սոցիալական  ծառայությանը՝ կազմակերպության  գործունեությանն  ուշադրություն  դարձնելու  և սիրիահայ  կարիքավոր  ընտանիքներին  աջակցություն  ցուցաբերելու համար:

Հիշեցնենք` «ՀԱԼԷՊ»  ՀԲՀԿ-ը  2013թ-ին  հիմնադրվելով  Հայաստանում` օգնություն է  տրամադրում Հայաստանում  ապաստանած  առավել խոցելի  սիրիացի  ընտանիքներին` տրամադրելով պարենի և հագուստի փաթեթներ,  մշակում  և  իրականացնում  է  տևական  ծրագրեր,  որոնք դյուրացնում  են   հայրենիքում  բնակվող  սիրիացիների  բնակեցման  և  ինտեգրման գործընթացները: