Երևանի քաղաքապետարանի շինբարեկարգման 2014 թվականի ծրագրերով այս տարի հիմնանորոգվելու է մայրաքաղաքի 12 գրադարան: Աշխատանքների իրականացման համար հայտարարված համապատասխան մրցույթի անցկացումից հետո արդեն իսկ մեկնարկել են շինարարական աշխատանքները:
Գրապահոցների, ընթերցասրահների և աշխատասենյակների ներքին հարդարման աշխատանքներից բացի ամբողջությամբ կփոխվեն դռներն ու պատուհանները, կվերանորոգվեն և կկահավորվեն նաև սանհանգույցները:
Նշենք, որ նախորդ տարվա ծրագրերով ամբողջությամբ լուծվել էր քաղաքապետարանի ենթակայության գրադարանների ջեռուցման ապահովման հարցը:

Երևանի քաղաքապետարանի տեղեկատվության 
և հասարակայնության հետ կապերի վարչություն