Երեւանի քաղաքապետարանի շինբարեկարգման 2014 թուականի ծրագիրներով այս տարի պիտի հիմնանորոգուի մայրաքաղաքի 12 գրադարան: Աշխատանքներու իրականացման համար յայտարարուած համապատասխան մրցոյթէն ետք արդէն իսկ մեկնարկած են շինարարական աշխատանքները:
Գրապահոցներու, ընթերցասրահներու եւ աշխատասենեակներու ներքին յարդարման աշխատանքներէն բացի ամբողջութեամբ պիտի փոխուին դռներն ու պատուհանները, պիտի վերանորոգուին եւ պիտի կահաւորուին նաեւ սանհանգոյցները:
Նշենք, որ նախորդ տարուան ծրագիրներով ամբողջութեամբ լուծուած էր քաղաքապետարանի ենթակայութեան գրադարաններու ջեռուցման ապահովման հարցը:

Երեւանի քաղաքապետարանի տեղեկատուութեան 
եւ հասարակայնութեան հետ կապերու վարչութիւն