Տեղեկատվական անվտանգության մասնագետ Սամվել Մարտիրոսյանը «Google» որոնողական համակարգի վրա ստեղծել է նաև «Սփյուռքի մամուլի որոնում» փնտրողական համակարգը:

«Արմենպրես»-ի փոխանցմամբ, համակարգը հասանելի է իր իսկ հղումով կամ կարճ հիշվող հղումներով` Bit.ly/spyurq կամ Kg.am/spyurq: Այս պահին համակարգում ներառված են հայկական սփյուռքի մոտ հինգ տասնյակ կայքեր:

Համակարգը փնտրում է միայն հայկական սփյուռքի լրատվական  կայքերով, փնտրում է նորություններ եւ լուսանկարներ։

Նորությունները ֆիքսված են այնպես, որ գալիս են ըստ ժամանակի, այսինքն` առաջինն այն նորությունը, որը եղել է  ամենավերջինը, հետո` մյուսը, և այդպես շարունակ: Աջ անկյունից կարելի է փոխել և ընտրել` ըստ ամենահամապատասխանող նյութի (relevance)։ Լուսանկարների բաժնում հակառակն է, նախնական դրված է ըստ նյութին համապատասխանության, աջից կարելի է ընտրել ըստ ժամանակի։
Հիշենք`հայաստանյան լրատվական կայքերի որոնողական համակարգը հասանելի է այս հղումներով` Bit.ly/mamul և Kg.am/mamul:

http://armenpress.am/