Տեղեկատուական անվտանգութեան մասնագէտ Սամուէլ Մարտիրոսեան «Google» որոնողական համակարգին վրայ ստեղծած է նաեւ «Սփիւռքի մամուլի որոնում» փնտրողական համակարգը:

«Արմէնփրէս»-ի փոխանցմամբ, համակարգը հասանելի է իր իսկ յղումով կամ կարճ յիշուող յղումներով` Bit.ly/spyurq կամ Kg.am/spyurq: Այս պահին համակարգին մէջ ներառուած են հայկական սփիւռքի մօտ հինգ տասնեակ կայքեր:

Համակարգը կը փնտրէ միայն հայկական սփիւռքի լրատուական  կայքերով, փնտրելով նորութիւններ եւ լուսանկարներ:

Նորութիւնները տեղադրուած են այնպէս, որ կու գան ըստ ժամանակի, այսինքն` առաջինը այն նորութիւնը, որ եղած է  ամենավերջինը, յետոյ` միւսը, եւ այդպէս շարունակ: Աջ անկիւնէն կարելի է փոխել եւ ընտրել` ըստ ամենահամապատասխանող նիւթի (relevance): Լուսանկարներու բաժինին մէջ հակառակն է, նախնական դրուած է ըստ նիւթին համապատասխանութեան, աջէն կարելի է ընտրել ըստ ժամանակի:
Յիշենք`հայաստանեան լրատուական կայքերու որոնողական համակարգը հասանելի է այս յղումներով` Bit.ly/mamul եւ Kg.am/mamul:

http://armenpress.am/