Ֆուտբոլի Հայաստանի ազգային հավաքականի նախկին գլխավոր մարզիչ Վարդան Մինասյանը 5-րդ տարին անընդմեջ ճանաչվեց Հայաստանի լավագուն մարզիչ:

2013-ին 39-ամյա Մինասյանը հարցման արդյունքում մեծ առավելությամբ գերազանցեց Հայաստանի Բարձրագույն խմբի ընթացիկ առաջատար Երեւանի «Արարատը» եւ Հայաստանի երիտասարդական հավաքականը գլխավորող Աբրահամ Խաշմանյանին: Երրորդ տեղը գրավեց Վարդան Բիչախչյանը, ում գլխավորությամբ Գյումրիի «Շիրակը» դարձել էր Հայաստանի չեմպիոն: Մինասյանը կստանա 2 միլիոն դրամ պարգեւավճար

Հիշեցնենք, որ Վարդան Մինասյանը Հայաստանի հավաքականը գլխավորում էր 2009-ից: Աշխարհի 2014թ. առաջնության ընտրական փուլում Հայաստանի թիմն ընդգրկված էր B խմբում, որտեղ 10 խաղում հավաքեց 13 միավոր՝ գրավելով նախավերջին՝ 5-րդ տեղը:

Հայաստանի տարվա լավագույն մարզիչի քվեարկությանը մասնակցում են ՀՖՖ գործկոմի անդամները, Բարձրագույն խմբի ակումբների նախագահները, գլխավոր մարզիչները, ավագները, Բարձրագույն խմբի հանդիպումները սպասարկած մրցավարները եւ տեսուչներն ու լրագրողները:

NEWS.am Sport