Միջոցառմանը  ներկա  Բեյրութի  Հայկազյան  համալսարանի    նախագահ  Փոլ  Հայդոսթյանն  ասել է, որ  ինքը  նախորդ  այցերի  ընթացքում  է   ծանոթացել    Արցախի  հետ:

«Շատ  վաղուց  ենք   համագործակցում  ԱրՊՀ-ի  հետ, բայց  այս  անգամ    այն  դարձրինք  փաստաթղթային, որի  նպատակն  է  համատեղ  գիտաժողովների  կազմակերպումը, ուսանողների   փոխայցելությունները: Երկու բուհերի  համար  էլ համագործակցությունը  պետք  է  իր  դրական ազդեցությունն  ունենա: Այս  անգամ  մենք նաև  ԱՀ  արտաքին  գործերի  նախարարության    հետ  ենք  համագործակցության  պայմանագիր  ստորագրել՝ նպատակ  ունենալով կառույցի   աշխատակիցներին   ծանոթացնել   լիբանանյան  փորձառությանը, որը    կտևի  1-4  ամիս»,,-մասնավորապես  ասել է  Փ. Հայդոսթյանը:

Անդրադառնալով    հայագիտական  տարեգրքին՝ Հայկական  Սփյուռքի  ուսումնասիրությունների    կենտրոնի  տնօրեն, «Հայկազյան  հայագիտական  հանդեսը»-ի      խմբագիր  Անդրանիկ   Դաքեսյանն  ասել է, որ  այն  սկսել  է հրատարակվել  1970 թվականից:

«1991  թվականից  մինչ  այսօր, յուրաքանչյուր    տարի  հրատարակվում  է  մեկական  հատոր, այս  տարի  լույս  է  տեսել արդեն թվով  38-րդը: Այն   արևմտահայերեն  դասական  ուղղագրությամբ   լույս  տեսնող  Սփյուռքի  մեջ     հայատառ   միակ  հայագիտական  տարեգիրքն  է: Այնտեղ   հրապարակում է հայոց պատմությանն ու մշակույթին նվիրված գիտական հոդվածներ, անտիպ փաստագրական նյութեր ու գրախոսականներ: Մեզ  հետ  աշխատակցում  են Հայաստանի, սփյուռքի և օտարազգի հայագետներ: 38-րդ հանդեսում  զետեղված  է   40  հոդված: Հանդեսն  ունի   տարբեր   բաժիններ, գրախոսություններ, ինչպես  նաև հայտնի  հայագիտական  գործիչների  մասին մահախոսականներ»,-ասել  է Ա. Դաքեսյանը: