Հայաստանի Հանրապետության և Մայիսյան հերոսամարտերի 100-ամյակին նվիրված 2018թ. միջոցառումների ծրագրի շրջանակներում Կրթության և գիտության,  Սփյուռքի նախարարությունների և Երևանի քաղաքապետարանի հետ համատեղ կազմակերպված «Սարդարապատից Արցախ» խորագրով համահայկական շարադրության և նկարչության մրցույթների ամփոփման հանդիսավոր արարողությունը տեղի ունեցավ հունիսի 27-ին: Ինչպես հաղորդում է «Հայերն այսօր»-ը, մրցույթներին մասնակցել են Հայաստանի, Արցախի հանրակրթական ուսումնական հաստատությունների և Սփյուռքի հայկական կրթօջախների սաներ:

Աշխարհի 27 երկրի հայկական կրթօջախների դպրոցականները ներկայացրել էին 230 աշխատանք` 123 շարադրություն և 107 նկար: Մրցութային հանձնաժողովները   ներկայացված հարյուրավոր աշխատանքներից ընտրել  են 20-ական  մրցանակային լավագույնները` Հայաստանից, Արցախից և Սփյուռքից, որոնք ընդգրկվել են «Սարդարապատից Արցախ: Շարադրություններ, նկարներ» ժողովածուի մեջ: Հաղթող ճանաչված դպրոցականներին Ողջունեց կրթության և գիտության  նախարարի տեղակալ Արևիկ Անափիոսյանը: Նա մեծ գովեստով խոսեց երեխաների ստեղծագործական աշխատանքների մասին, որոնց ոգեշնչման աղբյուրն էր հայ ժողովրդի համար պատմական խոշոր նշանակություն ունեցող իրադարձությունների հոբելյանական 100-ամյակը:

Հանդիսավոր միջոցառմանը մասնակցում էին մրցանակակիրներ Իրանից, Լիբանանից և Քուվեյթից:

Կից «Հայերն այսօր»-ը ներկայացնում է «Սարդարապատից Արցախ» խորագրով համահայկական շարադրության և նկարչության մրցույթների մրցանակակիր սփյուռքահայ դպրոցականներին:

Շարադրություն

1. Կեոշկերյան Գառնի, Լիբանան, Բեյրութ
2. Զատիկյան Նուշիկ, Լիբանան
3. Մակարյան Կարինե, Վրաստան, Ախալքալաք
4. Նազարյան Նոյ, Իրան, Թեհրան
5. Քեշիշյան Հայարփի, Իրան, Թեհրան
6. Պապողլյան Կարապետ, Կանադա
7. Սալխանյան Վարդի, Լիբանան

Նկարներ

1. Քահքեջյան Քրիսթինա, Քուվեյթ
2. Մանուելյան Կարեն, Քուվեյթ
3. Ատուրյան Շաղիկ, Քուվեյթ
4. Գուզույան Հովիկ, Քուվեյթ
5. Կենջոյան Մարիելլա, Քուվեյթ
6. Մովսեսյան Մարիանա, Քուվեյթ
7. Ռոստոմյան Քարոլին, Իրան, Թեհրան