Արևմտահայերեն
Русский
EnglishՀՀ սփյուռքի նախարար Հրանուշ Հակոբյանն ընդունեց Նյու Յորքի «Արձագանք» հեռուստաընկերության հիմնադիր տնօրեն Արա Մանուկյանին
Դեկտեմբերի 6-ին ՀՀ սփյուռքի նախարար Հրանուշ Հակոբյանն ընդունեց Նյու Յորքի «Արձագանք» հեռուստաընկերության հիմնադիր տնօրեն Արա Մանուկյանին:
Հեռուստաընկերությունը Նյու Յորքում հիմնադրվել է 1996թ՝ գերագույն նպատակ ունենալով նպաստել Հայաստան-Սփյուռք կապերի ամրապնդմանը: Այն իր ամենօրյա աշխատանքով Սփյուռքի մեր հայրենակիցներին ծանոթացնում է հայաստանյան անցուդարձին, մշակութային և գիտական նորություններին: Այն իր շուրջ համախմբում և լուսաբանում է նաև Սփյուռքի հայկական կազմակերպությունների, Սփյուռքում գործող հայ եկեղեցիների, դպրոցների, միությունների գործունեությունը:
Նախարար Հրանուշ Հակոբյանը Արա Մանուկյանին ներկայացրեց Հայաստան տեղափոխված սիրիահայերի հիմնախնդիրների լուծման, այդ թվում՝ Նոր Հալեպ թաղամասի կառուցման ուղղությամբ կատարած աշխատանքները:
Քննարկվեցին ՀՀ սփյուռքի նախարարության ծրագրերն իրազեկելու և դրանցում համայնքի երիտասարդներին ներգրավելուն, ինչպես նաև Հայաստան-Սփյուռք կապերի ամրապնդմանն առնչվող հարցեր:
