Իսպանիայի հայտնի Մոնսերատ Բենեդիկտյան մենաստանում, տաճարի պատմության մեջ առաջին անգամ, հայկական դուդուկ է հնչել:

«Հայերն այսօր»-ը, հղում կատարելով rusarminfo.ru կայք-էջին հայտնում է, որ համերգի ընթացքում հայ երաժիշտներ Հովհաննես Ղազարյանը և Հովհաննես Կարախանյանն իրենց արևմտյան գործընկերների հետ, որոնք երգեհոն են  նվագել, կատարել են հոգևոր երաժշտություն:

Հնչել են Կոմիտասի ստեղծագործությունները, 7-րդ դարի հայ գիտնական Անանիա Շիրակացու շարականները, ինչպես նաև հատվածեր Մակար Եկմալյանի Պատարագից:

1025 թվականին հիմնադրված Բենեդիկտյան մենաստանը՝ Մոնսերատը, Կատալոնիայի հոգևոր և կրոնական խորհրդանիշն է և ամբողջ աշխարհի կաթոլիկների ուխտագնացության կենտրոններից մեկը: