Աշխարհի «ամենազորեղ» անձնագիր ունեցող պետությունների ցանկում Հայաստանը զբաղեցրել է 66-րդ տեղը:

Passport Index-ի փոխանցմամբ ՝ «զորեղությունը» գնահատվում է նրանով, թե անձնագրի տերը քանի երկիր կարող է այցելել առանց մուտքի արտոնագրի:

Ընդհանուր առմամբ, վարկանիշում ներկայացված է 96 երկրի անձնագիր:

66-րդ հորիզոնականը Հայաստանի հետ կիսել են Զիմբաբվեն, Ղրղըզստանը եւ Չինաստանը:

Վրաստանը 57-րդ տեղում է, Ադրբեջանը՝ 63-րդ:

Առաջատարն է Գերմանիան, որի քաղաքացիներն առանց վիզայի կարող են 157 երկիր այցելել:

Երկրորդ հորիզոնականում են Շվեդիան եւ Սինգապուրը, որոնց քաղաքացիները կարող են ազատ մուտք գործել 156 երկիր:

Դանիայի, Ֆինլանդիայի, Ֆրանսիայի, Իսպանիայի, Շվեյցարիայի, Նորվեգիայի, Մեծ Բրիտանիայի եւ ԱՄՆ-ի քաղաքացիներն առանց վիզայի կարող են այցելել 155 երկիր:

Աղբյուրը՝ Մեդիամաքս