Աշխարհի «ամենազօրեղ» անձնագիր ունեցող պետութիւններու ցանկին մէջ Հայաստանը կը գրաւէ 66-րդ տեղը:

Ըստ «Մետիամաքս»-ի՝ Passport Index-ը կը փոխանցէ, որ «զօրեղութիւնը» կը գնահատուի անով, որ անձնագիրին տէրը քանի երկիր կրնայ այցելել առանց մուտքի արտօնագիրի:

Ընդհանուր առմամբ, ցանկին մէջ ներկայացուած է 96 երկրի անձնագիր:

66-րդ տեղը Հայաստանի հետ կիսած են Զիմպապուէյը, Խրխըզիստանը եւ Չինաստանը:

Վրաստանը 57-րդն է, Ատրպէյճանը` 63-րդը:

Առաջին տեղը կը գրաւէ Գերմանիան, որուն քաղաքացիները առանց վիզայի կրնան 157 երկիր այցելել:

Երկրորդը Շուէտը եւ Սինկափուրն են, որոնց քաղաքացիները կրնան ազատ մուտք գործել 156 երկիր:

Դանիոյ, Ֆինլանտիայի, Ֆրանսայի, Սպանիոյ, Զուիցերիոյ, Նորվեկիոյ, Մեծ Բրիտանիոյ եւ ԱՄՆ-ի քաղաքացիները առանց վիզայի կրնան այցելել 155 երկիր:

Ցանկի վերջաւորութեան կը գտնուին  Փաքիստանն ու Աֆղանիստանը: