Շաբաթ երեկոյան՝ Հայոց ցեղասպանության 101-րդ տարելիցի նախօրեին, մատուցված հիշատակի պատարագի ժամանակ հայկական դուդուկի հնչյունները պարուրեցին Բոստոնի Սուրբ Խաչ եկեղեցին:

Այս մասին Արցախպրեսի փոխանցմամբ՝ գրում է «Bostonglobe» պարբերականը:

Շոն Պ. Օ’Մոլլիի գլխավորությամբ մատուցված էկումենիկ ծառայության շնորհիվ Բոստոնի թեմը առաջին անգամ  պաշտոնապես հիշատակման արարողություն է իրականացրել Հայոց Ցեղասպանության տարելիցի կապակցությամբ:

«Շատ կարևոր է, որպեսզի մենք թույլ չտանք Ցեղասպանության իրողությունները կորչեն անէության մեջ»,-նշել  է Կարդինալ Շոն Պ. Օ’Մոլլին՝ դիմելով պատարագին մասնակցող շուրջ 800 ներկաներին:-«Մեկ և կես միլոն կյանքերը  չեն մոռացվել: Նրանց մարտիրոսվելու պտուղը այն մեծ սերն է, որը միավորում է մեզ բոլորիս»: