Զինյալ ահաբեկչական խմբավորումները հունվարի 20-­ին տեղի ժամանակով 15:15-­ին և 15:30-­ին «ԲՄ­21» հրթիռային կայանքով (Գրադ) երկու հրթիռ են արձակել Քեսաբի խաղաղ բնակչության վրա: Այս մասին, ըստ «Հայերն այսօր»-ի, տեղեկացնում է Հալեպի «Գանձասար» թերթը:

Հրթիռներն արձակվել են թուրքական տարածքից` Քեսաբից 15-­20 կմ հեռավորությունից: Առաջին հրթիռն ընկել է Քեսաբի մզկիթից 50 մետր դեպի հյուսիս, իսկ երկրորդը` Քեսաբի հայ ավետարանական Սուրբ Երրորդություն եկեղեցու հետևի հատվածում:

Կատարվածի հետևանքով արձանագրվել են նյութական վնասներ, կա մեկ վիրավոր, զոհեր չկան: