ՀՀ սփյուռքի նախարար Հրանուշ Հակոբյանն ընդունեց Հրանտ Դինքի այրի՝ Ռաքել Դինքին:

Ողջունելով հյուրին՝ նախարարը շնորհակալություն հայտնեց իր ներկայությամբ նախարարության կողմից իրականացվող «Պոլսահայ համայնքի օրերը Հայստանում» ծրագրի միջոցառումները պատվելու համար և բարձր գնահատեց նախօրեին Պպոլսահայ երգահան մաժակ Թոշիկյանի՝ Հրանտ Դինքին նվիրված օրատորիայի պրեմիերան, որը փայլուն տպավորություն գործեց հանդիսատեսի վրա:

Ռաքել Դինքն իր հերթին շնորհակալություն հայտնեց ջերմ ընդունելության համար, ներկայացրեց Հրանտ Դինքի անվան հիմնադրամի կոողմից իրականացվող ծրագրերը: Նա իր գոհունակությունը հայտնեց իր ամուսնու հիշատակը հարգելու և օրատորիայի պրեմիերան Հայրենիքում ներկայացնելու համար:

 Քննարկվեցին պոլսահայ համայնքին առնչվող հարցեր: