Արգենտինահայ երիտասարդների նախաձեռնությամբ Բուենոս Այրեսում կազմակերպվել է մարդու իրավունքներին նվիրված երկօրյա կոնֆերանս, որի ընթացքում երիտասարդները տեսակետեր են հայտնել, ինչպես Հայոց ցեղասպանության առնչությամբ, այնպես էլ ներկայում տեղի ունեցող իրադարձությունների եւ մարդու իրավունքների ոտնահարումների վերաբերյալ:

Ինչպես «Արմենպրես»-­ին տեղեկացրին Արգենտինայի հայ համայնքից, կոնֆերանսի ժամանակ երիտասարդները քննարկել են Սիրիայում եւ Իրաքում տեղի ունեցող իրադարձությունները, Եվրոպայում ներգաղթյալների իրավիճակով պայմանավորված խնդիրները: