Արժանթինահայ երիտասարդներու նախաձեռնութեամբ Պուէնոս Այրէսի մէջ կազմակերպուած է մարդու իրաւունքներուն նուիրուած երկօրեայ համագումար, որուն ընթացքին երիտասարդները տեսակէտներ  յայտնած են, ինչպէս Հայոց ցեղասպանութեան առնչութեամբ, այնպէս ալ ներկայիս տեղի ունեցող իրադարձութիւններուն եւ մարդու իրաւունքներու ոտնահարումներուն վերաբերեալ:

Ինչպէս «Արմէնփրէս»-­ին տեղեկացուցին Արժանթինի հայ համայնքէն, համագումարին ժամանակ երիտասարդները քննարկած են Սուրիոյ եւ Իրաքի մէջ տեղի ունեցող իրադարձութիւնները, Եւրոպայի մէջ ներգաղթեալներու իրավիճակով պայմանաւորուած խնդիրները: