Կոննեկտիկուտի համալսարանի պրոֆեսոր Դանիել Ադլերը սեպտեմբերի 17-­ին բրիտանական Գրինվիչ քաղաքի Bruce Museum­ում հանդես կգա «Պեղումները Հայաստանում. փոփոխությունները ստորինից մինչև միջին դարաշարջան (425 հազարից 130 հազար տարի առաջ)» թեմայով դասախոսությամբ:

Ինչպես հաղորդում է «Արմենպրես»­-ը` վկայակոչելով greenwich­post.com­ ը, արդեն մի քանի տարի է, ինչ պրոֆեսոր Ադլերը հնագիտական պեղումներ է իրականացնում Կոտայքի մարզի Նոր Գեղի համայնքում և Հայաստանի այլ հնարավայրերում: «Աշխատանքների ընթացքում Ադլերը պեղել է ավելի քան 3000 օբսիդիանի հնություն և արձանագրել զգալի արդյունքներ, որոնք էլ պրոֆեսորը կներկայացնի դասախոսության ընթացքում»,­ գրել է աղբյուրը:

Դասախոսության հովանավորը Գրինվիչի հնագիտական ասոցիացիան է: Վերջինիս անդամների, ուսանողների, Bruce Museum­ի թանգարանի աշխատակիցների համար դասախոսությունը կլինի անվճար, իսկ հանրության համար այն արժե 15 դոլար: