Քաշաթաղի շրջանի մի շարք դպրոցական հաստատություններում, նոր ուսումնական տարվա նախապատրաստական աշխատանքների շրջանակներում շինարարական աշխատանքներ են ընթանում:

Այդ մասին Արցախպրեսին տեղեկացրել է Քաշաթաղի «Մերանե պաշտոնաթերթի խմբագիր Զոհրաբ Ըռքոյանը:

Վերանորոգման ու բարեկարգման շինաշխատանքներ են ընթանում   Վուրգավանի, Արծվաշենի, Փակահանի համայնքների կրթօջախներում: Վուրգավանը երկհարկանի շենքի հիմնանորոգումը կայանում է ԱՄՆ-ում գործող  «Հայրենասերե  կազմակերպության հանգանակած միջոցներով:

Համանուն բարեգործական կազմակերպության միջոցով է նախորդ տարի իրականացվել նաև Լեռնահովիտի դպրոցի շենքի հիմնանորոգումը:

Արծվաշենի գյուղական համայնքում դպրոցը գործում է  հարմարեցված շենքում: Այս տարի,  ընթացիկ վերանորոգումների շրջանակում  հիմնանորոգվում է դպրոցի կից երկհարկանի կիսակառույցը, որի առաջին հարկում այս ուսումնական տարվանից  կգործի 8 դասասենյակ, իսկ  երկրորդ հարկի շինարարությունը կշարունակվի  մյուս տարում:

   Կումայրիի միջնակարգ դպրոցը որպես կրթօջախ է հանդիսանում հարևան 10 բնակավայրերի աշակերտների համար:

          Վթարային լինելու պատճառով ներկայումս Կումայրիի դպրոցական տիպային  շենքը չի շահագործվում:  Փոխարենը՝  մոտ 90 աշակերտ ունեցող դպրոցի համար կրթօջախ է ծառայում Վարդաբացի գյուղական համայնքի    հարմարեցված շինությունը: