Կանադական Վինիփեգ քաղաքի Մանիթոբայի համալսարանի սոցիոլոգիայի դեպարտամենտի պրոֆեսեր Էնդրյու Վուլֆորդը հուլիսի 8-ին Ցեղասպանագետների միջազգային ասոցիացիայի երեւանյան 12-րդ գիտաժողովի բացման ժամանակ երկու տարի ժամետով կազմակերպության նախագահ է ընտրվել, հայտնում է News.am-ը:

Ելույթի ժամանակ Վուլֆորդը հույս է հայտնել, որ կկարողանա արդարացնել բոլոր նրանց սպասումները, որոնք ընտրել են իրեն, ինչպես նաեւ ցրել նրանց կասկածները, որոնք չեն ընտրել:

«Այսպիսի բոլոր գիտաժողովներից ես արժեքավոր գիտելիքներ եմ ձեռք բերել: Այդ համաժողովները միշտ եղել են վայր, որտեղ փոխըմբռնման եւ գիտության ոգի է տիրել: Հույս ունեմ, որ այդպես կլինի նաեւ այս գիտաժողովի օրերին»,- ընդգծել է Ցեղասպանագետների միջազգային ասոցիացիայի նորընտիր նախագահը: