Հայոց ցեղասպանության հերքումը կամ վիճարկումը պատմաբանների շրջանում այլևս ընդունված չէ»,-«Ամերիկայի Ձայն»-ի փոխանցմամբ՝ հայտարարել են Վաշինգտոնի Բրուքինգս հաստատությունում կայացած գիտական համաժողովի մասնակիցները, որոնք քննարկում էին Հայոց ցեղասպանության ուսումնասիրությունների ներկա ընթացքը:

Ըստ պատմաբանների, վերջին երկու տասնամյակում հրապարակված փաստերն ու պատմական բացահայտումները թույլ են տալիս պատմական տեսակետից Հայոց ցեղասպանության հիմնավորման հարցն այլևս փակված համարել: