Օգոստոսի 22-ին  ռեկորդային թվով ռադիոկայաններ են անդրադարձել հայազգի կոմպոզիտոր Արամ Խաչատրյանին: Վերջին ժամանակներս Նիդերլանդական տարբեր ռադիոկայանների եթերով հաճախ հնչում են Արամ Խաչատրյանի տարբեր ստեղծագործություններ: Նաև ներկայացվում է մեծ կոմպոզիտորի ու նրա ստեղծագործությունների մասին ծանոթություններ, ժամանակագրական տեղեկություններ: Օրինակ discover classical ռադիոկայանով հնչել է հատված «Սպարտակ»բալետից՝  Վիեննայի սիմֆոնիկ նվագախմբի կատարմամբ, տևական ժամանակ առաջին ռադիոկայանով հնչել է հատված «Գայանե»բալետից: Ռադիո-3-ը ևս եթերում հնչեցրել է Արամ Խաչատրյանի գործերից, իսկ ահա classic FM-ը  հնչեցրել է տաղանդավոր կոմպոզիտորի Masquerade-ը՝ Հայաստանի ֆիլհարմոնիկի կատարմամբ (Լորիս Ճգնավորյանի ղեկավարությամբ) և Մոսկվայի Մեծ թատրոնի նվագախմբի կատարմամբ մի հատված «Սպարտակ» բալետից: Այդ օրը  Ա.Խաչատրյանին են անրադարձել նաև միջազգային այլ ռադիոկայաններ, մասնավորապես Նյու Յորքի հանրային ռադիոն նրա 4 գործեր է եթեր հեռարձակել: BBC Music classical ռադոկայանը ևս հետ չի մնացել  և իր ծրագիրը համալրել է աշխարհահռչակ հայ կոմպոզիտորի հայտնի գործերով, նաև սեփական կայքում զետեղել նրա մասին ընդարձակ հոդված:

Ա.Խաչատրյանի ստեղծագործությունների մասին հանրագիտարանային լայն տեղեկություններ է հայտնում նաև հոլանդական home.online.nl կայքը:

«Նիդերլանդական Օրագիր»