Օգոստոս 22-ին  մեծ թիւով ռատիոկայաններ  անդրադարձած են հայազգի երաժշտահան Արամ Խաչատրեանին: Վերջին ժամանակներս Նիտերլանտական տարբեր ռատիոկայաններու եթերով յաճախ կը հնչեն Արամ Խաչատրեանի տարբեր ստեղծագործութիւններ: Նաեւ կը ներկայացուի մեծ երաժշտահանին ու անոր ստեղծագործութիւններուն մասին ծանօթութիւններ, ժամանակագրական տեղեկութիւններ: Օրինակ discover classical ռատիոկայանով հնչած է հատուած «Սպարտակ» պալէյէն`  Վիեննայի սիմֆոնիկ նուագախումբի կատարմամբ, տեւական ժամանակ առաջին ռատիոկայանով հնչած է հատուած «Գայեանէ» պալէյէն: Ռատիօ-3-ը եւս եթերով հնչեցուցած է Արամ Խաչատրեանի գործերէն, իսկ ահա classic FM-ը հնչեցուցած է տաղանդաւոր երաժշտահանի Masquerade-ը` Հայաստանի ֆիլհարմոնիկի կատարմամբ (Լորիս Ճգնաւորեանի ղեկավարութեամբ) եւ Մոսկուայի Մեծ թատրոնի նուագախումբի կատարմամբ  հատուած մը «Սպարտակ» պալէյէն: Այդ օրը Ա.Խաչատրեանին անրադարձած են նաեւ միջազգային այլ ռատիոկայաններ, մասնաւորապէս Նիւ Եորքի հանրային ռատիոն անոր 4 գործեր  եթեր հեռարձակած է: BBC Music classical ռատիոկայանը  իր ծրագիրը համալրած է աշխարհահռչակ հայ երաժշտահանի յայտնի գործերով, նաեւ սեփական կայքին մէջ զետեղած անոր մասին ընդարձակ յօդուած:

Ա.Խաչատրեանի ստեղծագործութիւններու մասին հանրագիտարանային լայն
տեղեկութիւններ կը յայտնէ նաեւ հոլանտական home.online.nl կայքը:

«Նիտերլանտական Օրագիր»