Մայիսի 24-ին, ժամը  19:00-ին Առնո Բաբաջանյան  համերգասրահում տեղի կունենա ՀՀ սփյուռքի նախարարության, Սպահանի հայոց թեմի թեմական խորհրդի և Երևանի Մեսրոպ Մաշտոցի անվան Մատենադարանի համատեղ նախաձեռնությամբ Երևանում անցկացվող «Նոր Ջուղայի օրեր» ծրագրի եզրափակիչ միջոցառումը:

Ողջույնի խոսքով հանդես կգան ՀՀ սփյուռքի նախարար Հրանուշ Հակոբյանը, ՀՀ-ում ԻԻՀ դեսպան Ն. Գ. Մոհամմադ Ռեյիսին, Սպահանի Հայոց թեմի առաջնորդ Տեր Բաբկեն եպս. Չարյանը:

Կցուցադրվի Նոր Ջուղայի հայ համայնքին և Սբ. Ամենափրկիչ եկեղեցու պատմությանը նվիրված ֆիլմ:

Ելույթ կունենան Սպահանի «Կոմիտաս» երգչախումբը և Աննա Մայիլյանը:

Առնո Բաբաջանյան համերգասրահի ճեմասրահում կգործի «Նոր Ջուղայի հայ համայնքն անցյալի և ներկայի խաչմերուկներում» խորագրով ցուցահանդես:

Կներկայացվեն հայտնի նորջուղայեցիների և Սուրբ Ամենափրկիչ եկեղեցու հոգևոր հայրերի կենսագրությունները, լուսանկարներ, Նոր Ջուղայի մասին գրքեր, թերթեր և ամսագրեր, արխիվային այլ նյութեր:

Տեղի կունենա նաև տարազների ցուցադրություն: