25/06/2018   ՀՀ սփյուռքի նախարարություն, Գլխավոր   No comments

Սփյուռքի նախարարն ընդունեց Գլենդելի քաղաքապետ Զարեհ Սինանյանին

Հունիսի 25-ին ՀՀ սփյուռքի նախարար Մխիթար Հայրապետյանն ու փոխնախարար Բաբկեն Տեր Գրիգորյանն ընդունեցին Գլենդելի քաղաքապետ Զարեհ Սինանյանին: Կողմերը քննարկեցին նախարարի հնարավոր այցը Միացյալ Նահանգներ և փոխանակվեցին գաղափարներով: Մասնավորապես, խոսեցին այնպիսի մի վիրտուալ հարթակ ստեղծելու մասին, որը կմիավորի աշխարհի տարբեր ծայրերում բնակվող հայերին:

Նախարարը նշեց, որ այսուհետև Սփյուռքի նախարարությունը մեծ ուշադրություն է դարձնելու Սփյուռքում բնակվող հայ երիտասարդներին, որոնք տարբեր պատճառներով դուրս են մնացել հայրենիքում տեղի ունեցող գործընթացներից:

Զարեհ Սինանյանը ողջունելով նախարարի գաղափարը՝ պատրաստակամություն հայտնեց աջակցել նրան այդ հարցում ու նպաստել ԱՄՆ հայ համայնքների և Հայաստանի միջև կապերի ամրապնդմանը:

  1. «Արի տուն» ծրագրի 5-րդ փուլի մասնակիցներն այցելեցին ՀՀ պաշտպանության նախարարություն
  2. Մեկնարկեց «Սփյուռք» ամառային դպրոցի համայնքային գործի կազմակերպիչների դասընթացը
  3. Տեղի ունեցավ 2016թ.«Արի տուն» ծրագրի երկրորդ փուլի բացման հանդիսավոր արարողությունը
  4. Գրքի երևանյան 13-րդ ցուցահանդես-վաճառքը՝ Սփյուռքի նախարարության «Մայրենիի շաբաթվա» շրջանակում
Scroll Up