05/09/2016   Սփյուռք, Գլխավոր   No comments

Օբնինսկ քաղաքում իր դռները բացեց հայկական կիրակնօրյա դպրոցը

Սեպտեմբերի 3-ին ՌԴ Կալուգայի մարզի Օբնինսկ քաղաքում  աշակերտների առաջ իր դռները բացեց «Արաքս» կիրակնօրյա հայկական դպրոցը: Այս մասին Հայերն այսօրին հայտնում են միջոցառման կազմակերպիչները:
Հանդիսավոր արարողությանը մասնակցում էին դպրոցի մոտ 60 մեծ ու փոքր աշակերտները, նրանց ծնողները, կազմակերպիչները,Կալուգա քաղաքի հայ համայնքի ներկայացուցիչները: Բացման արարողության սկզբում հնչեց Հայաստանի Հանրապետության օրհներգը, ելույթի խոսքով հանդես եկան կազմակերպիչներ Կարինե Ղուկասյանը, Հովիկ Հովակիմյանը, դպրոցի ուսուցչուհի Նառա Ավետիքյանը, Կալուգայի համայնքի ներկայացուցիչ Մարիամ Հովհաննիսյանը: Մայրական խոսքով աշակերտներին իր ողջույնի խոսքը հղեց Երևանի պետական համալսարանի նախկին դասախոս, պատմաբան, ապագա մայրիկ Նելլի Սմբատյանը՝ ասմունքելով Սիլվա Կապուտիկյանի «Խոսք իմ որդուն» բանաստեղծությունը։
Ամռանը ստեղծված երգչախումբը (երաժշտական ղեկավար՝  Սառա Հարթյունյան) կատարեց Մհերի «Հայաստան» երգը, ելույթ ունեցավ նաև երգչախմբի մենակատար Եվա Ազրոյանը՝ կատարելով Վարդուհի Վարդանյանի «Հայաստան» երգը։ Ասմունքով հանդես եկան մի խումբ փոքրիկներ:
Միջոցառման ողջ ընթացքում տիրում էր ուրախ և տոնական տրամադրություն։ Դասարանի մուտքի կարմիր ժապավենը կտրեցին դպրոցի ամենափոքր աշակերտներ Սուրեն Չնավայանը և  Նարե Ազրոյանը։ Տոնական տորթը կտրեց փոքրիկ Սուրենի մայրիկ Ֆլորա Բաբոյանը։
Վերջում բոլորը դուրս եկան դպրոցի բակ և միասին երկինք բաց թողեցին եռագույն (կարմիր, կապույտ, նարնջագուն) փուչիկներ՝ մտքում պահելով երազանքներ։
Օբնինսկ6Օբնինսկ7Օբնինսկ8Օբնինսկ9 Օբնինսկ10Օբնինսկ11Օբնինսկ12Օբնինսկ2Օբնինսկ3 Օբնինսկ4Օբնինսկ5Օբնինսկ1

  1. ԱԵԿ-ի սաները «ԱՐԻ ՏՈՒՆ» ծրագրում
  2. Արգենտինահայերը բողոքի ցույց են անցկացրել Ադրբեջանի դեսպանատան առջև
  3. Քեսաբի շրջանում մարտեր են ընթանում. Շահան Գանտահարյան
  4. (Արևմտահայերեն) Ս. Նահատակաց Մատրան Վերաօծում. Արամ Ա. Կաթողիկոս. «Մենք Թուրքիայէն Ցաւակցութիւն Չենք Խնդրեր, Այլ Դատապարտում Ու Ճանաչում Կը Պահանջենք»
Scroll Up