Անգլիական «Մանչեսթեր Յունայթեդը» մինչեւ Հենրիխ Մխիթարյանի տեղափոխությունն ունեցել է 39 ազգությունների խաղացողներ, իսկ Հայաստանի հավաքականի կիսապաշտպանն առաջին հայն է թիմում, հայտնում է ակումբիկայքը:

Դորտմունդի «Բորուսիայից» տեղափոխված 27-ամյա Մխիթարյանը նաեւ առաջին հայաստանցի ֆուտբոլիստն է, որը հանդես կգա Անգլիայի Պրեմյեր լիգայում:

«Մանչեսթեր Յունայթեդում» մինչեւ օրս ամենաշատը խաղացել են անգլիացիներ՝ 521 ֆուտբոլիստ: Այդ ցուցանիշով երկրորդը Շոտլանդիան է (121), իսկ եռյակը եզրափակում է Ուելսը (44):

Հիշեցնենք, որ Հենրիխ Մխիթարյանը 4 տարվա պայմանագիր է կնքել Անգլիայի 20-ակի չեմպիոնի հետ: Անգլիայի Պրեմյեր լիգայում հանդես կած առաջին հայ ֆուտբոլիստն Իրանի ազգային հավաքականի ավագ Անդրանիկ Թեյմուրյանն է, որը հանդես է եկել անգլիական «Բոլթոնում», «Ֆուլհեմում» ու «Բարնսլիում»: