«Կողոպուտ կես գիշերին» Թատերական ներկայացում Աթենքում

07/06/2016 Սփյուռք No comments

«Կողոպուտ կես գիշերին» Թատերական ներկայացում Աթենքում

Աթենքի հայ մարզամշակութային «Արարատ» միության «Ծիածան» թատերախումբը, հունիսի 4-ին և հունիսի 5-ին, մայրաքաղաքի Ռենդի շրջանի քաղաքապետարանի «Քամպանելիս» սրահում, բեմականացրեց երկար ամիսներ սպասվող՝ Միրոսլավ Միտրովիչի «Կողոպուտ կես գիշերին» կատակերգությունը: Այս մասին Հայերն այսօրին տեղեկացնում է «Հայաստան» լրատու ցանցը:

Հայկ Գասարճյանի բեմադրությամբ՝ արդիական ոճով ու սքանչելի երաժշտությամբ համատեղված բեմականացումը, հունահայ հասարակությանը նվիրաբերեց ավելի քան 75 րոպե ծիծաղ ու զվարճալի մթնոլորտ:

«Ծիածան» թատերախումբն արդեն գործում է շուրջ տասնմեկ տարի: Այդ տարիների ընթացքում խմբին հաջողվել է ի մի բերել հայ եւ հույն երիտասարդ և երեց դերասանների: Հիշեցնենք, խմբի վերջին ներկայացումներից էր աշխարհահռչակ գրող Վիլյամ Սարոյանի «Իմ սիրտը լեռներում է» ստեղծագործությունը:

«Կողոպուտ կես գիշերին» ներկայացման հիմնական դերակատարներն էին՝

· Գրիգոր Չափարյան՝ Ֆրանք (Գող);

· Հերման Մենենտյան՝ Միլան (Վաճառատան փոխտնօրեն);

· Մաքրուհի Արըճյան՝ Սիլվա (Միլանի կինը);

· Առլետ Հարունյան՝ Զիզի (Միլանի սիրուհին);

· Սիֆի Քասեսյան՝ Ոստիկան:

· Բեմադրիչ՝ Հայկ Գասարճյան;

· Պիեսը Հայերենի թարգմանեց՝ Ղ. Ղազանչյանը;

· Փորձերի լուսանկարներ՝ Կարո Աղաբադյան;

· Հարդարում՝ Մերի Չափարյան;

· Հուշարար՝ Ռիտա Մենենտյան;

· Պարուսույց՝ Ռոդոպի Կուբարի;