Հայոց ցեղասպանության 100-րդ տարելիցին նվիրված միջոցառումների շրջանակներում ապրիլի 20-ից Հունգարիայում տեղադրվել են 42 տեղեկատվական վահանակներ: Այս մասին «Հայերն այսօրին» տեղեկացնում է Հունգարիայի Հայ ինքնավարության փոխնախագահ Ալեքս Ավանեսյանը:

Ցեղասպանությունն իրազեկող գրություններով վահանակները՝ Հայոց ցեղասպանության 100-րդ տարելից, Հիշում ենք և պահանջում, Ոգեկոչում ենք մեկ ու կես միլիոն հայ նահատակների հիշատակը, տեղադրվել են մեծամասամբ Բուդապեշտի մեծ պողոտաներում և բանուկ խաչմերուկներում: