Ապրիլ 1-ին   տեղի   ունեցաւ   հեռաժողով   Կելենճիկի   հայ   համայնքի          ներկայացուցիչներուն հետ,   որուն   կը մասնակցէին Սփիւռքի նախարարութեան   աշխատակազմի ղեկավար   Ֆիրտուս Զաքարեան,   նախարարութեան համապատասխան ստորաբաժանումներու ղեկավարներ եւ աշխատակիցներ:

Կելենճիկի   հայ       համայնքէն    հեռաժողովին    կը   մասնակցէին       Ռուսաստանի հայերու միութեան Կելենճիկի բաժանմունքի նախագահ Սուրէն Վարդանեան, տեղի բաժանմունքի   Հայկական   մշակոյթի    կեդրոնի    ղեկավար Գայեանէ Առաքէլեան, ներկայացուցիչներ Թուապսէյէն եւ Նովոռոսիյսկէն:

Ողջունելով      տեսաժողովի     մասնակիցները`     Ֆիրտուս       Զաքարեան  շնորհաւորեց  Մշակութային   կեդրոնի հիմնադրման միամեակի առիթով` ընգծելով մշակոյթի կարեւորութիւնը ինքնութեան պահպանման հարցին   մէջ: Ֆ. Զաքարեան    յորդորեց    նաեւ   առաւել   աշխոյժ   մասնակցութիւն   ունենալ        Սփիւռքի       նախարարութեան ծրագիրներուն:

Հայկական    մշակոյթի    կեդրոնի      ղեկավար   Գայեանէ   Առաքէլեան նշեց, որ կեդրոնը կ’ընէ հնարաւոր ամէն ինչ հայապահպանութիւնը եւ ազգային ինքնագիտակցութիւնը     բարձր      պահելու    համար:   Ան   նաեւ   ցանկութիւն յայտնեց, որ նման հեռաժողովներ առաւել յաճախ ըլլան: