Աւստրալիոյ հայ եւ յոյն համայնքները հանդէս կու գան  Սիտնէյի Հայտ Փարքի մէջ Թուրքիոյ Հանրապետութեան հիմնադիր Մուսթաֆա Քեմալ Աթաթուրքի յուշարձանի տեղադրման դէմ, armradio.am-ի փոխանցմամբ` կը գրէ the Greek Reporter- ը:

«Քեմալ Աթաթուրք պատասխանատու է Թուրքիոյ մէջ էթնիկ փոքրամասնութիւններու զանգուածային կոտորածներու եւ մահուան երթերու, ինչպէս նաեւ 20- րդ դարու սկիզբը իր բռնակալութեան դէմ հանդէս եկողներու սպանութեան համար: Մուսթաֆա Քեմալ Աթաթուրքը եւ իր համախոհները, որոնք յայտնի են «Քեմալիստ» անուամբ, իրականացուցած են Թուրքիոյ մէջ բնակող փոքրամասնութիւններուն դէմ բարբարոսական բռնութիւններ»,- ըսուած է Աւստրալիոյ հայ երիտասարդական դաշնակցութեան բողոքի նամակին մէջ` ուղղուած Նոր Հարաւային Ուելսի նահանգային կառավարութեան անդամ Վիքթոր Տոմինելլիին ուղղուած նամակին մէջ:

Բողոքի նամակներով  հանդէս եկած են նաեւ յունական համայնքի ներկայացուցիչները: