Մարտ 16-ին Վրաստանի վարչապետ Իրակլի Ղարիպաշվիլին այցելեց Ախալցխա: Վարչապետը իր հանդիպումները իրականացուց Սամցխէ-Ջաւախքի նահանգապետարանի շէնքին մէջ: Akhaltskha.net-ի փոխանցմամբ` հանդիպման ներկայ էին 7 քաղաքապետարաններու առաջին անձիք եւ գործարարներ:

Վարչապետին հետ Ախալցխա այցելած էին նաեւ տարբեր նախարարներ` Տնտեսութեան եւ կայուն զարգացման նախարար Գիորգի Կվիրիկաշուիլին, Շրջակայ միջավայրի եւ բնական աղբիւրներու պահպանման նախարար Էլգուճա     Խոկռիշվիլին,   Շրջանային զարգացման եւ ենթակառուցուածքներու նախարար Դաւիթ Շաւլիաշուիլին,
ուժանիւթի նախարար Կախա Կալաձէն, Գիւղատնտեսութեան նախարար Օթար Տանելիան եւ ֆինանսներու նախարար Նոտար Խատուրին:

Հանդիպման վարչապետը ներկայացուց շրջանի տնտեսական կարողականութեան զարգացման ծրագիրի ցուցահանդէսը:

Վարչապետի ներկայացմամբ նոր ծրագիրը, որ կը կոչուի «Ամուր շրջան յանուն ամուր Վրաստանի» պիտի սկսի Սամցխէ-Ջաւախքէն: Անոր խօսքերով կառավարութիւնը շրջանի զարգացման համար ընտրած է երեք ուղութիւն,
որոնցմէ է գիւղատնտեսութիւնը, զբօսաշրջութիւնը եւ գործարար միջավայրի աշխուժացումը: