Արևելահայերեն
Русский
EnglishՀալէպի Մէջ Անհանգիստ Գիշերուընէ Ետք Զոհուած Կամ Վիրաւորուած Հայերու Մասին Տեղեկութիւններ չեն Հաղորդուած
Սուրիոյ մէջ Դամասկոս քաղաքի Հայ պարզա թաղամասին մէջ եւ շրջակայքը այսօր առտու կանուխէն թէժ բախումներ կ’ընթանան:
Իսկ Հալէպ քաղաքի հայկական շրջաններուն մօտ յունիս 19-ի ամբողջ գիշեր ռմբակոծութիւններ ու պայթումներ գրանցուած են` հալէպահայերուն ստիպելով փակուիլ իրենց տուները` զգուշանալով լարուած իրավիճակէն:
«Արմէնփրէս»-ի հաղորդմամբ` հրթիռակոծութիւններու ձայները մօտէն լսուած են հայկական Նոր Գիւղ, Պոսթան Թաշա,Սլէման Ալ Հալապի, Շէյխ մաքսուտ եւ Էշրեֆիյէ շրջաններուն մէջ: Զոհուած կամ վիրաւորուած հայերումասին տեղեկութիւններ չկան:
Սուրիոյ մէջ մարտ, 2011-էն չդադարող հակամարտութիւնը 70 հազարէն աւելի մարդու կեանք խլած է: Զոհուած են միքանի տասնեակ հայեր:
