Թրքական «Անատոլու» լրատուական գործակալութեան հաղորդման համաձայն Հոլանտայի արտաքին գործոց նախարար Պերթ Քոենտերս յայտարարած է, որ Հայոց ցեղասպանութեան գնահատական պէտք է տան ոչ թէ Հայաստանի եւ Թուրքիոյ կառավարութիւնները, այլ գիտնականները, այս մասին «Հայերն այսօրին» կը տեղեկացնէ Նիտերլանտական Օրագիրը:

Քոենտերս, մասնաւորապէս, ըսած է. «Կառավարութիւնը չի կրնար գնահատական տալ պատմական իրադարձութիւններուն: Այս հարցին գնահատական պէտք է տան գիտնականները` Հայաստանի եւ Թուրքիոյ կառավարութիւններուն հետ համատեղ աշխատանքի արդիւնքով»:

Թուրքիոյ Հասարակական քննարկումներու կեդրոնի նախագահ Էժտեր Քեօսէն ողջունած է Հոլանտայի արտաքին քաղաքական գերատեսչութեան այս քայլը ու նշած. «Սա չափազանց կարեւոր որոշում է: Հաճելի է նման հաւասարակշռուած դիրքորոշումներ լսելը»:

Հոլանտայի հայ համայնքը ԱԳ նախարարի այս յայտարարութիւնը որակած  է’ «Խայտառակ»: Առաջին հայեացքէն պէտք էր մտածել, որ Հոլանտայի արտաքին գերատեսչութեան ղեկավարը ուղղակի անտեղեակ է իրերու դրութեան ու  անոր  պէտք էր  միայն հասկցնել, որ ցեղասպանութիւնը անհերքելի փաստ է  ու պէտք չէ , որ գիտնականները նոր յայտնաբերեն տեղի ունեցած եղելութիւնը:

Սակայն Հոլանտայի մէջ գործող Աբովեան մշակութային միութիւնը, որ  նաեւ կը համակարգէ FAON – 24 April  կոմիտէի աշխատանքները, Նիտերլանտական օրագիրին այլ պարզաբանում տուաւ. «2004 թ. այս մարդը (խօսքը այժմեան նորանշանակ Հոլանտայի արտաքին գործոց նախարար Պերթ Քոենտերսի մասին է-ծանօթ.’ Ն.Օ) , իբրեւ
խորհրդարանի անդամ ելոյթ   ունեցած է մեր հանրահաւաքի ժամանակ եւ բացէ ի բաց խօսած Ցեղասպանութեան մասին, իսկ յետոյ երբ հանդիպեցանք իր գրասենեակին մէջ, դարձեալ կրկնեց, որ ան չի կասկածիր, որ այն ինչ տեղի  ունեցած է հայերուն նկատմամբ  ցեղասպանութիւն է: Իսկ այժմ իբրեւ նախարար այլ սազ կ  ը  նուագէ:    Մեր
յուշումով այդ մասին  քանի մը շաբաթ առաջ խորհրդարանին մէջ  անոր յիշեցուցած է Հարի Վան Պոմելը’ Սոցիալիստական Կուսակցութենէն (SP)»:

Բոլորն ալ կարծես նոյն նիւթէն կը  ձուլուին’ ըսուած է պարզաբանման մէջ, ըլլայ ԱՄՆ-ի նախագահը, թէ Հոլանտայի նախարարը,    հէնց  նստին    աթոռին,   էութեամբ   կը   փոխուին   (նոյնպէս այլ  հարցերու նկատմամբ):
Յիշեցնենք, որ 2004 թուականի Դեկտեմբեր 21-ին Հոլանտայի խորհրդարանը միաձայն ընդունած է Ռաուֆուտի բանաձեւը` ճանչնալով Հայոց ցեղասպանութիւնը: