Փետրուար 15-ին Հայոց ցեղասպանութեան 100-տարելիցին  ընդառաջ հայ բարեգործական ընդհանուր միութեան (ՀԲԸՄ) նախաձեռնութեամբ Ալմելոյի Հայ Առաքելական Սուրբ Գրիգոր Լուսաւորիչ եկեղեցւոյ  սրահին մէջ  տեղի ունեցաւ դասախօսութիւն` Նիտերլանտներու մէջ հայ գրատպութեան, Ամսդերտամի Սուրբ Հոգի  եկեղեցւոյ հիմնադրման եւ կառուցման վերաբերեալ: Դասախօսութեամբ հանդէս եկաւ Խաչիկ Պալիկչեան, որ բազմաթիւ աշխատութիւններու եւ գիրքերու հեղինակ է:

Ելոյթով հանդէս եկաւ նաեւ Նիտերլանտներու  ՀԲԸՄ նախագահ Յարութ Փալանջեան, որ ներկաներուն ներկայացուց ցեղասպանութեան100-րդ տարելիցի ծրագիրը եւ ներկաներուն կոչ ուղղեց  աշխոյժ մասնակցութիւն ունենալու կայանալիք ձեռնարկենուն եւ ցոյցերուն: