Փետրուար 3-ին ՀՀ սփիւռքի նախարար Հրանոյշ Յակոբեան ընդունեց Հայաստանի երաժշտահաններու եւ երաժշտագէտներու միութեան նախագահ Արամ Սաթեանը:

Մայեսթրոն նախարարին ներկայացուց սփիւռքեան  համայնքներէն ներս կայացած համերգները, ինչպէս նաեւ հայաշատ քաղաքներուն մէջ իրականացուած այլ ձեռնարկներ:

Նախարարը, բարձր գնահատելով միութեան  գործունէութիւնը, նշեց, որ սփիւռքի մէջ հայկական երաժշտութեան տարածմամբ անոնք իւրովի կը նպաստեն հայապահպանութեան գործընթացին:

Հանդիպման քննարուեցան Սփիւռքի մէջ հայ մշակոյթի պահպանման ու զարգացման ուղղուած  շարք մը հարցեր: