Լոս Անճելըսի քաղաքային խորհուրդը 1,7 մլն տոլար  յատկացուցած է արուեստի ոլորտին մէջ տարբեր նախագիծերու, ներառեալ Փոքր Արմէնիա թաղամասին մէջ գեղարուեստական նախագիծերու համար, որոնք նուիրուած են Հայոց ցեղասպանութեան 100-րդ տարելիցին:

Այս մասին կը հաղորդէ NEWS.am-ը` վկայակոչելով  MyNewsLA.com կայքը, Լոս Անճելըսի քաղաքային խորհուրդը հաստատած է ողջ քաղաքի տարածքին մէջ գեղարուեստական նախագիծերու համար 1,7 մլն տոլարի յատկացման ծրագիրը:

Դրամական միջոցները պիտի օգտագործուին տարբեր ծրագիրներու համար, ինչպէս նաեւ Հայոց ցեղասպանութեան նուիրուած որմնանկարներու վերանորոգման, Հարաւային Լոս Անճելըսի կեդրոնական պողոտայի երկայնքով գեղարուեստական սարքերու տեղադրման համար, ուր ամէն տարի ճազային փառատօն կ’իրականացուի: