Օտարերկրեայ պետութիւններէն Հայաստան վերադառնալու ցանկութիւն ունեցող անձիք իրենց հետաքրքրող հարցերով կրնան դիմել պետական ծառայութիւններուն եւ անգամ տեսակապի միջոցով ստանալու իրենց հետաքրքրող հարցերու պատասխանները: Այս մասին այսօր` Նոյեմբեր 20-ին, մամլոյ ասուլիսին նշած է ՏԿՆ Միգրացիոն պետական ծառայութեան ղեկավար Գագիկ Եգանեան` աւելցնելով, որ այդ նպատակով կը գործէ «Տունդարձ» (tundarc.am) տեղեկատուական համակարգը:

Անոր խօսքով`  ոեւէ անձ կրնայ հարց ուղղել պետական պաշտօնեային, ինչպէս նաեւ տեսակապի միջոցով: Եգանեան նշած է, որ քաղաքացիներու հարցերուն տեսակապի միջոցով կը պատասխանեն հիմնականին մէջ վարչութեան պետեր եւ բաժնի պետեր:

Ան ընդգծած է, որ պետական մարմինը` ստանալով քաղաքացիի հարցը, կը մուտքագրէ այն եւ քաղաքացիին կ’ուղարկուի 12 նիշանոց ծածկագիր, որմով տուեալ անձը կրնայ հետեւիլ իր նամակի «ճակատագիրին»:

ՏԿՆ Միգրացիոն պետական ծառայութեան ղեկավարը նշած է, որ նման ծրագիրներով այս տարի Հայաստան  վերադարձած է 2000 մարդ: