Մայր Աթոռ Սուրբ Էջմիածինի մէջ Նոյեմբեր 11-13 գումարուելիք Հայաստանեայց Առաքելական Ս. Եկեղեցւոյ Եպիսկոպոսաց ժողովի մասնակիցները Նոյեմբեր 10-ին` գլխաւորութեամբ Ն.Ս.Օ.Տ.Տ. Գարեգին Բ Ծայրագոյն պատրիարք եւ Ամենայն Հայոց Կաթողիկոսի եւ Ն.Ս.Օ.Տ.Տ. Արամ Ա Մեծի Տանն Կիլիկիոյ Կաթողիկոսի, այցելեցին Ծիծեռնակաբերդի յուշահամալիր:

Այս մասին ինչպէս  «Հայերն այսօր»-ին կը յայտնեն Մայր Աթոռի տեղեկատուական համակարգէն, Ամենայն Հայոց Կաթողիկոսը եւ Մեծի Տանն Կիլիկիոյ Կաթողիկոսը ծաղկեպսակներ զետեղեցին յուշահամալիրին մօտ, ապա անմար կրակին առջեւ կատարուեցաւ հոգեհանգստեան արարողութիւն` Հայոց Եղեռնի նահատակներու հոգիներու խաղաղութեան համար: