Իրանի Իսլամական Հանրապետութեան նախագահի նստավայրին մէջ Հոկտեմբեր 20-ին կայացած է ՀՀ վարչապետ Յովիկ Աբրահամեանի եւ ԻԻՀ նախագահ Հասան Ռոհանիի հանդիպումը: ՀՀ կառավարութեան ղեկավարը նշած է, որ Իրան կատարած պաշտօնական այցը պիտի նպաստէ հայ-իրանական տնտեսական կապերու աշխուժացման, նոր ներդրումներու ներգրաւման:

«Հայաստանում բարձր են գնահատում Իրանի Իսլամական Հանրապետութեան հետ ձեւաւորուած սերտ, բարի դրացիական յարաբերութիւնները, որոնք խարսխուած են մեր ժողովուրդների միջեւ դարաւոր բարեկամութեան հիմքերի վրայ: Հայ-իրանական յարաբերութիւնները գտնւում են բարձր մակարդակի վրայ եւ շարունակում են զարգանալ փոխվստահութեան մթնոլորտում: Ձեռք բերուած պայմանաւորուածութիւնները հիմնականում իրականացւում են, ինչը վկայում է երկու երկրների միջեւ առկայ բարեկամական եւ գործնական կապերն աւելի խորացնելու երկուստեք վճռականութեան մասին»,-ըսած է Յովիկ Աբրահամեան:

Հասան Ռոհանին, ողջունելով Հայաստանի վարչապետ Յովիկ Աբրահամեանի այցը ԻԻՀ, նշած է, որ այն պիտի նպաստէ հայ-իրանական բարեկամական յարաբերութիւններու յետագայ խորացման տարբեր բնագաւառներու մէջ: ԻԻՀ նախագահի խօսքով, Իրանը պատրաստակամ է օժանդակելու հայկական կողմինախաձեռնութիւններուն, ինչպէս նաեւ համատեղ ծրագիրներու իրականացման:

Զրուցակիցները կարեւոր համարած են շարք մը ոլորտներու մէջ, մասնաւորապէս, ուժանիւթի, գիւղատնտեսական, մշակութային համագործակցութեան խորացումն ու ընդլայնումը:

Վարչապետ Յովիկ Աբրահամեան նշած է, որ Հայաստանի անդամակցութիւնը եւրասիական տնտեսական միութեան հնարաւորութիւն կ’ընձեռէ ստանձնելու այդ կառոյցի անդամներու եւ օտարերկրեայ գործարար համայնքներու համար կապող օղակի դերակատարութիւնը: Կառավարութեան ղեկավարն ընդգծած է, որ Հայաստանի մէջ նպաստաւոր պայմաններ  ստեղծուած են ներդրումներու համար:

Իրանի նախագահը բարձր գնահատած է հայ համայնքի դերակատարութիւնը երկրի տարբեր ոլորտներու զարգացման գործին մէջ:

Կողմերն անդրադարձած են Լեռնային Ղարաբաղի եւ տարածաշրջանային խնդիրներուն: Վարչապետ Աբրահամեան նշած է, որ Հայաստան հետամուտ է միայն խաղաղ ճանապարհով խնդիրի կարգաւորման ԵԱՀԿ Մինսկի խումբի ծիրէն ներս: Երկուստեք ընդգծուած է տարածաշրջանային հակամարտութիւններու խաղաղ կարգաւորման կարեւորութիւնը եւ տարածաշրջանին մէջ կայունութեան ապահովման անհրաժեշտութիւնը:

Յովիկ Աբրահամեան Հասան Ռոհանիին  փոխանցած է ՀՀ նախագահ Սերժ Սարգսեանի հրաւէրը` ներկայ գտնուելու 2015 թ. Ապրիլ 24-ին Երեւանի մէջ կայանալիք Հայոց ցեղասպանութեան զոհերու յիշատակի ոգեկոչման արարողութեան:

Իրանի նախագահն իր հերթին ՀՀ նախագահին ու հայ ժողովուրդին  փոխանցած է իր ջերմ բարեմաղթանքները:

Հանդիպման ընթացքին Յովիկ Աբրահամեան Իրանի նախագահին հետ քննարկած է երկկողմ հետաքրքրութիւն ներկայացնող այլ հարցեր: