Արցախի Հանրապետութեան նախագահ Բակօ Սահակեան Մինսկի խումբի համանախագահներու միջոցով հրաւէր ուղարկած է Մինսկի խումբի համանախագահ երկիրներու նախագահներուն` ԱՄՆ նախագահ Պարաք Օպամային, Ռուսիոյ նախագահ Վլատիմիր Փութինի եւ Ֆրանսայի նախագահ Ֆրանսուա Օլանտ, համանախագահներու հետ այցելելու Արցախ: Այս մասին՝ ըստ aparaj.am-ին, նախագահ Բակօ Սահակեան նշած է “Ամերիկայի ձայն”-ին տուած հարցազրոյցի ընթացքին:

“Մեր կարծիքով, համանախագահ երկրների առաջնորդնորը չեն կարող լրջագոյն յաջողութիւնների հասնել` զբաղուելով մի երկրի, մի ժողովրդի ճակատագրով առանց անմիջական շփումներ ունենալու այդ երկրի հետ: Այսօր էլ գտնում ենք, որ միջազգային հանրութեան իրականացուող աշխատանքներում ամենամեծ բացերից մէկը կայանում է դրանում”,- ըսած է Բակօ Սահակեան: Իսկ պատասխանելով տարածքներու վերադարձի մասին հարցին նախագահը նշած է, որ Արցախի բոլոր տարածքները` ներառեալ նաեւ այն, որ Մատրիտեան սկզբունքներու համաձայն կ’առաջարկուի տալ Ատրպէյճանին, ամրագրուած են ԼՂՀ Սահմանադրութեամբ, իսկ Սահմանադրութեան կէտի վերանայմնայ իրաւունքը տրուած է միայն Արցախի բնակչութեան: Ստորեւ կը ներկայացնենք “Ամերիկայի Ձայն”-ի Արցախի մասին նկարահանուած “խաղաղ կեանքը պատերազմի ուրուականներու կողքին” ֆիլմը: