Սեպտեմբեր 18-ին ՀՀ սփիւռքի նախարար Հրանոյշ Յակոբեան ընդունեց Քուէյթի Պետութեան խորհրդարանի հայ-քուէյթական բարեկամութեան խումբի պատուիրակութեան ղեկավար,  Քուէյթի խորհրդարանի պատգամաւոր Ֆէյսալ Ֆահտ Ալշայիի գլխաւորութեամբ եւ ՀՀ-ի մօտ Քուէյթի Պետութեան արտակարգ եւ լիազօր դեսպան Պասսամ Մուհամմատ Ալ Քապանտիի ուղեկցութեամբ: Ողջունելով Քուէյթի Պետութեան խորհրդարանի հայ-քուէյթական բարեկամութեան խումբի պատուիրակութեան անդամները` ՀՀ սփիւռքի նախարար Հրանոյշ Յակոբեան նշեց,  որ Հայաստանի մէջ Քուէյթի դեսպանատան հիմնումը նոր որակ հաղորդեց երկու երկիրներու յարաբերութիւններուն:  «Ուրախ եմ,  յարգարժան Պասսամ Մուհամմատ Ալ Քապանտի,  որ Դուք էք ներկայացնում Քոււէյթի պետութիւնը Հայաստանում»,  -ընդգծեց ՀՀ սփիւռքի նախարարը`աւելցնելով,  որ տպաւորուած է Հայաստանի պատուիրակութեան այցի ժամանակ Քուէյթի իշխանութիւններու հիւրասէր վերաբերմունքին:Նախարար Հ.Յակոբեան բարձր գնահատեց Քուէյթի մէջ հայ համայնքի հանդէպ իշխանութիւններու բարեհաճ վերաբերմունքը:«Քուէյթի Պետութեան բարի կամքով եւ հոգածութեամբ  հնարաւոր է դարձել հայ համայնքի եկեղեցու,  դպրոցի,  մշակութային օճախների ստեղծումն ու զարգացումը»:Նախարարն իր խօսքին մէջ մասնաւորապէս նշեց,  որ  Սուրիական ճգնաժամի առաջին իսկ օրերէն Քուէյթի Պետութիւնը աջակցած,ֆինանսական օգնութիւն  ցուցաբերած է սուրիահայերուն: Այդ աջակցութեան շնորհիւ Երեւանի Նար-Դոսի անուան թիւ 14  հիմնական դպրոցը 2014-2015  ուսումնական տարին սկսաւ` վերազինուած համակարգչային դասարանով: Իսկ քանի որ դպրոց կը յաճախեն  մի քանի տասնեակ սուրիահայ երեխաներ,  որոնք կը տիրապետեն

արաբերէնին,  կրթօճախը պետական աջակցութեամբ ստացաւ արաբերէն լեզուի խորացուած ուսուցմամբ ուղղուածութիւն: «Յիրաւի,  ճիշդ է 2014թ.  օգոստոսի 18-ի ՄԱԿ-ի որոշումը,  համաձայն որի` Քուէյթը ճանաչուեց «Միջազգային հումանիտար կենտրոն»,  իսկ Քուէյթի Էմիր շէյխ Սապահ Ալ Ահմատ Ալ Ճապեր Ալ Սապահին մարդասիրական գործունէութեան համար արժանացաւ «Մարդասիրական առաջնորդ» կոչման», – նախարար Հ.Յակոբեան: Շնորհակալութիւն յայտնելով ջերմ ընդունելութեան համար` Քուէյթի խորհրդարանի պատգամաւոր Ֆեյսալ Ֆահտ Ալ Շային նշեց,  որ Քուէյթի Էմիր շէյխ Սապահ Ալ Ահմատ Ալ Ճապեր Ալ Սապահի յանձնարարութեամբ ուրախ է օգնելու սուրիահայերուն,  նպաստելու Հայաստանի մէջ ներդրումներ կատարելուն:  Պատուիրակութեան ղեկավարն իր պատրաստակամութիւնը ընդգծեց երկու երկիրներու համագործակցութեան սերտացման ուղղութեամբ` աւելցնելով,  որ Քուէյթի հայերը բարեխիղճ եւ ազնիւ քրտինքով ապրող մարդիկ են:ՀՀ սփիւռքի նախարարը հաւաստիացուց, որ Քուէյթի հայ համայնքը լաւագոյն կամուրջն է երկու պետութիւններու միջեւ: ՀՀ սփիւռքի նախարարը Քուէյթի Պետութեան խորհրդարանական պատուիրակութեան անդամներուն ներկայացուց Աշտարակ քաղաքին մէջ «Նոր Հալէպ»  թաղամասի կառուցման ծրագիրը,  խօսեցաւ պետութեան աջակցութեամբ սուրիահայերու համար կառուցուող թաղամասի առանձնայատկութիւններուն մասին: Պատուիրակութեան ղեկավար  Ֆեյսալ Ֆահտ Ալ Շային նշեց.  «Նոր Հալէպ»  թաղամասի կառուցումը մարդկասիրական ծրագիր է,  եւ Քուէյթի  Պետութիւնը կ’ըլլայ առաջին երկիրներէն մէկը,  որ ֆինանսապէս կ’աջակցի ծրագիրի իրականացման»:Ֆեյսալ Ֆահտ Ալ Շային շեշտեց նաեւ պետական ներկայացուցչութիւններու փոխայցելութիւններու կարեւորութիւնը` երկու երկիրներու յարաբերութիւններու զարգացման գործին մէջ եւ ի նշան բարեկամութեան յուշանուէր յանձնեց ՀՀ սփիւռքի նախարարին: Հանդիպման աւարտին ՀՀ սփիւռքի նախարար Հրանոյշ Յակոբեան հիւրերուն նուիրեց աշխարհահռչակ հայ նկարիչ Մարտիրոս Սարեանի նկարներու պատկերագիրքը: