Սեպտեմբեր 13-ին  Լաս Վէկասի հայկական շաբաթօրեայ նորակառոյց դպրոցը իր դռները վերաբացաւ ամերիկաբնակ հայ երեխաներուն առջեւ:

Հայ օգնութեան միութեան եւ UCLA «Dream» («Երազանք») հիմնադրամի աջակցութեամբ Նեւադա նահանգի Լաս Վէկաս քաղաքին մօտ 60 հայ երեխայ հնարաւորութիւն պիտի ունենայ ամէն շաբաթ յաճախելու A.R.S Shoushi Chapter հայկական շաբաթօրեայ դպրոց: Իր գոյութեան 20-ամեայ պատմութեան մէջ դասերը պիտի իրականացուին վերանորոգուած մեծ ու լուսաւոր դասարաններու մէջ:

Նորագոյն արուեստագիտութեան միջոցներով վերազինուած դպրոցը կը գործէ Լաս Վէկասի հայկական Սբ. Կարապետ եկեղեցւոյ (St. Garabet) կից մշակոյթի  կեդրոնին մէջ: Մինչ 2011թ. դպրոցի ուսուցիչները, չունենալով սեփական տանիք, ստիպուած էին հայ երեխաներուն մայրենի լեզուն ուսուցանել առանձին վարձակալած տարածքներու մէջ: Դպրոցի տնօրէն Հուրի Տարաքճեանի ողջոյնի խօսքէն, տէրունական աղօթքէն ետք սաները մեծ ոգեւորութեամբ ոտք դրին նոր վերանորոգուած, կահաւորուած ու լուսաւոր դասարաններ:

Շաբաթօրեայ դպրոցին մէջ տարիներէ ի վեր դասերը կ’իրականանային միայն արեւմտահայերէնով, սակայն վերջին տարիներուն հին սփիւռքի մէջ նորի ձեւաւորումը անհրաժեշտութիւն ստեղծեց ուսուցումը իրականացնել նաեւ արեւելահայերէնով: Երեխաներուն, բացի հայերէն տառաճանաչ դարձնելը, դպրոցի տնօրինութեան նպատակը նախ եւ առաջ անոնց հայեցի դաստիարակութիւն ապահովելն է, հայկական արմատներուն ամուր պահելը, մեր ազգային տօներուն ծանօթացնելը:

Սօնա Քոչարեան Լաս Վէկաս, ԱՄՆ

Լուսանկարները` Սօնա Քոչարեանի

Pressident.am