Թուրքիոյ նորընտիր նախագահ Ռեճէպ Թայիպ Էրտողանը Պաքուի մէջ յայտարարած է, թէ հայ-թրքական յարաբերութիւններու կարգաւորումը կախուած է Հայաստան-Ատրպէյճան հակամարտութեան լուծումէն:

Թրքական Haber3 կայքի փոխանցմամբ` Ատրպէյճանի մայրաքաղաքին մէջ
Թուրք-ատրպէյճանական պատուիրակութիւններու հանդիպման ժամանակ Թուրքիոյ նախագահ Ռեճէպ Թայիճ Էրտողան, խօսելով հայ-թրքական յարաբերութիւններու կարգաւորման թեմային մասին, ըսած է, թէ այն կապուած է Հայաստանի եւ Ատրպէյճանի միջեւ հակամարտութեան լուծման հետ:

«Եթէ Հայաստան-Ատրպէյճան հակամարտութիւնը լուծուի, ապա կը լուծուի նաեւ հայ-թրքական յարաբերութիւններու կարգաւորման խնդիրը: Հակառակ պարագային Հայաստանի եւ Թուրքիոյ միջեւ խնդիրը նոյն կերպ պիտի շարունակուի»,-ըսած է Էրտողան:

Ատրպէյճանի նախագահ Իլհամ Ալիեւն իր հերթին շնորհակալութիւն  յայտնած է Թուրքիոյ` Ղարաբաղի խնդիրին մէջ մշտապէս Ատրպէյճանի շահերը պաշտպանելու համար եւ շեշտած, թէ աշխարհի տարբեր երկիրներու մէջ Ատրպէյճանի դեսպանները Թուրքիոյ հետ միասին կը պայքարին Հայոց ցեղասպանութեան ճանաչման աշխատանքներուն դէմ:

Artsakhpress.am