Յուլիս 22-ին, ժամը 16:00-ին «Մոսկուա» կինոթատրոնի կապոյտ դահլիճին մէջ տեղի կ’ունենայ «Սփիւռք» ամառնային դպրոց ծրագիրի ծիրէն ներս երիտասարդ առաջնորդներու, լրագրողներու եւ երգ ու պարի ուսուցիչներու դասընթացներու հանդիսաւոր բացումը:

Մասնակիցներուն կ’ողջունեն ՀՀ սփիւռքի նախարար Հրանոյշ Յակոբեան, Երիտասարդ առաջնորդներու դպրոցի ղեկավար Արտակ Շաքարեան, ԵՊՀ Լրագրութեան բաժանմունքի տնօրէն Նաղաշ Մարտիրոսեան:

Ներկաները կը դիտեն «Վանայ ծովուն արշալոյսը» շարժանկարը, որու ստեղծման պատմութիւնը կը ներկայացնեն սենարիստներ Արմէն եւ Արէն Վաթեանները, բեմադրիչ Վահան Ստեփանեան եւ գլխաւոր դերակատար Կարէն Ջհանգիրեան: